Adriatik Bodini, 55 vjeç, goditi pasditen e sotme me thikë në bark bashkëshorten e tij, Miranda Budini.
Policia po vijon kërkimin për 55-vjeçarin. Për momentin është duke krehur gjithë zonën në lagjen nr.4. Për kërkimin e autorit po përdoret edhe droni.
“Rreth orës 17:40, në banesën e tyre, në lagjen nr. 4, Sarandë, dyshohet se shtetasi A. B., 55 vjeç, ka plagosur me mjet prerës (thikë) bashkëshorten e tij, shtetasen M. B., 51 vjeçe, e cila ndodhet në spital, jashtë rrezikut për jetën.
Shërbimet e Komisariatit të Policisë Sarandë vijojnë krehjen e zonës me qëllim kapjen e autorit.”- njofton policia.
Grupi hetimor po punon për zbardhjen dhe dokumentimin e plotë të rrethanave të kësaj ngjarjeje.
