Myrto Uzuni ka gjetur golin e parë në Amerikë. Ai ka “tundur rrjetën” me ekipin e tij të ri Austin FC në transfertë përballë St.Louis City, sfidë e vlefshme për kampionatin amerikan të futbollit
Pas një aksioni model dhe një pasimi të marrë nga shoku i ekipit, Bukari, sulmuesi beratas dërgoi topin në fundin e rrjetës në minutën e 34-t të takimit.
Rezultati mbeti i pandryshuar, 0-1 në favor të miqëve deri në minutën e 68-të, kur gjyqtari ndërpreu ndeshje dhe i dërgoi skuadrat në dhomat e veshjes, për shkak të kushteve atmosferike. I gjithë stadiumi shpërtheu më pas në vërshëllima.
Kjo është ndeshja e 5-të e Myrto Uzunit me Austin dhe hera e tretë që e nis ndeshjen që nga minuta e parë.
