Jasir Asani ishte pikë kyçe e Partizanit, në formacionin e Skënder Gegës për Partizanin e sezonit 2018-2019. Bashkë ishin pjesë e klubit, që ktheu titullin kampion te “demat” pas 26 viteve.
Për këtë, emërimi i Gegës si trajner i ri i të kuqve nuk mund të kalonte pa një reagim të Asanit.
“Paç fat! Mbreti është kthyer”, shkruan Asani në rrjetet sociale duke e shoqëruar me foto nga prezantimi.
Aktualisht të kuqtë mbajnë vendin e katërt duke mbyllur zonën e “Final Four”. Elbasani i rrezikon me 4 pikë më pak, teksa janë edhe 5 ndeshje për t’u luajtur.
