Dy tërmete të fuqishme 7.7 dhe 6.6 ballë me qendër në Mianmar kanë tronditur Azinë Juglindore ditën e sotme, duke shkaktuar viktima dhe të plafosur, si dhe duke rrëzuar ndërtesa në një zonë të gjerë.
Sipas të dhënave të para, nga tërmeti tragjik regjistruar deri më tani 144 viktima dhe 732 të plagosur, raportojnë mediat shtetërore të Myanmarit.
Gjithashtu raportohet se dhjetëra persona të tjerë kanë mbetur të bllokuar nën rrënojat e ndërtesës. Dëshmitarët kanë thënë se pjesë të Pallatit Mbretëror historik në Mandalay ishin dëmtuar rëndë.
Në Naypyidaë, kryeqyteti i Myanmar, të lënduarit po ndihmohen nga ambulancat dhe kalimtarët në rrugë dhe po dërgohen në spital për të marrë ndihmën e nevojshme.
“I gjithë qyteti Mandalay u prek nga tërmeti. Ne po menaxhojmë me burimet që kemi në lagje”, tha një dëshmitar okular.
Goditja u ndje fort edhe në Bangkok, kryeqyteti i Tajlandës fqinje, ku u shemb një rrokaqiell 30-katësh në ndërtim në zonën e Chatuchak. Këtu 43 punëtorë janë bllokuar nën rrënoja dhe ekipet e shpëtimit po punojnë për t’i nxjerrë të gjallë.
