Një moment i papritur ndodhi ditën e djeshme në shtëpinë e ‘‘Big Brother VIP Albania’’, kur Gerta Gixhari theu kutinë e emergjencës, e cila përmbante mundësinë për një telefonatë. Megjithatë, situata mori një kthesë të papritur për banoren.
Kur gazetarja hapi zarfin, zbuloi se telefonata nuk ishte për të, por do ti kalonte një banor tjetër. Ky moment e preku thellë atë, pasi shpresonte të fliste me dy djemtë e saj. E përlotur, ajo vendosi t’ia dhurojë mundësinë Aldos, duke i lejuar të komunikonte me vajzën e tij.
Aldo, i emocionuar vendosi të fliste me ish-bashkëshorten për të pyetur për vajzën e tij. Gjatë bisedës, ish-bashkëshortja i dha atij një këshillë mbi lojën.
“Vazhdo kështu siç je, çdo ditë do të doja të shikoja duke flirtuar me vajzat e bukura të shtëpisë se sa të shikoja shembuj që i ofendojnë dhe ulin femrat. Kështu që duhet ti japësh forca. Kur Rozana të thotë ke flirtuar me 3, thuaj do flirtoj me 6”, i tha ish-bashkëshortja Aldos.
