Egnatia dhe Vllaznia ndanë pikët pas një barazimi dramatik 2-2, në sfidën e javës së 31-të në Superiore.
Egnatia kaloi në avantazh në minutën e 20-të me një gol të Regi Lushkjas, duke mbyllur pjesën e parë në epërsi.
Vllaznia reagoi në pjesën e dytë me golin e Esat Malës në minutën e 80-të, duke barazuar shifrat në 1-1. Vetëm gjashtë minuta më vonë, Fernando Medeiros riktheu avantazhin për Egnatian.
Megjithatë, Vllaznia arriti të sigurojë një pikë të vlefshme me një penallti të shënuar nga Ildi Gruda në minutën e 90-të.
Me këtë barazim, Egnatia mban kryesimin me 55 pikë, ndërsa Vllaznia renditet në vendin e tretë me 51 pikë.
