Një ngjarje e rëndë është shënuar këtë të enjte në Sarandë, ku pas një konflikti për motive të dobëta, një 17-vjeçar ka plagosur me thikë një bashkëmoshatar të tij.
Policia bën me dije se ka arrestuar autorin e plagosjes, ndërsa 17-vjeçari i lënduar ndodhet në spital, nën kujdesin e mjekëve.
“Rreth orës 13:40, në rrugën “Butrinti”, gjatë një konflikti për motive të dobëta, dyshohet se një 17-vjeçar ka goditur me mjet prerës (thikë) një tjetër 17-vjeçar, i cili aktualisht ndodhet në spital, nën kujdesin e mjekëve.
Falë reagimit të menjëhershëm të shërbimeve të Komisariatit të Policisë Sarandë, autori i dyshuar është kapur dhe është shoqëruar për veprime të mëtejshme procedurale.
Grupi hetimor vijon punën për zbardhjen dhe dokumentimin e plotë të rrethanave të ngjarjes”, thuhet në reagimin e policisë.
