Shqipëria do të sfidojë Andorrën në “Arenën Kombëtare”, në përballjen e kualifikueseve të Botërorit. Në prag të takimit, ka folur zëvendëstrajneri i Kombëtares, Zabaleta.
“E dimë që kemi një ndeshje të vështirë, nuk mund të nënvlerësojmë Andorrën se janë shumë të mirë në mbrojtje. Por duhet të sidomos në pjesën e fundit duhet të sjellim kualitet, kombinime e kreativitet pranë zonës që të shënojmë gola e fitojmë ndeshjen.
Broja jo në pozicionin e qëndrës? E di që Broja në klub luan në qendër, më shumë në qendër, por e kemi parë që në të kaluarën luan shpesh në të djathtën. Ai ka hap, është i fortë, ideja është që ta kemi të hapur në krah, por të hyjë edhe në qendër. Është opsion që e kemi në ndeshje, duhet ta shohim gjatë ndeshjes nëse na duhet më shumë në qendër apo në krah.
Brruti? Jemi shumë të lumtur me te, është e mirë që ishte me ne, kemi parë video dhe ndeshje të tij. Silvinjos i pëlqejnë lojtarët me të majtën, e mendojmë se mund të luajë edhe në krah. Teknikisht i mirë, por i duhet dhënë kohë, kemi lojtarë me më shumë eksperiencë. Por gjithmonë kërkojmë të rinj që duan të luajnë me ne. Është e mirë, por është një lojtar interesant për të ardhmen e Shqipërisë. T’i japim besim dhe kohë për progres, të shohim në të ardhmen”, tha Zabaleta për “SuperSport” para sfidës.
