Shqipëria përballet me Andorrën, me synimin e vetëm, për të marrë fitoren dhe pikët e para në kualifikueset e Botërorit.
Trajneri i njohur, Shpëtim Duro, i ftuar në Sport News në News 24, bëri analizën e tij. Duro nuk hezitoi të fliste edhe për shanset që ka Shqipëria që të kualifikohet në Botëror dhe natyrisht, komentoi edhe humbjen ndaj Anglisë.
“Ndeshja ndaj Anglisë- Ishte shumë bukur, gjithmonë kur luan Shqipëria bëhet ashtu. Emocione të shumta. Ishim gjatë gjithë kohës në tension sepse Wembley është mit. E rëndësishme ishte shfaqja. Ne rezultatin, e kishim frikën, e dinim që ishte e vështirë. Humbja është humbje, por ka humbje dinjitoze. Humbja ishte e parashikueshme, kur ke përballë nivel skuadre si Anglia, me potencial të jashtëzakonshëm.
Unë e kam thënë dhe e them përsëri, ekipi bëri maksimumin. Ne bëmë mirë në aspektin mbrojtës. Unë them që në përgjithësi bëmë mirë, duhet të pranojmë humbjen. Ne sot nisim kualifikueset.
