Shtatë persona të plagosur në zjarrin që shpërtheu në një klub nate në qytetin Kocani të Maqedonisë së Veriut do të trajtohen në dy spitale publike në Madrid, Spanjë.
Ministria e Shëndetësisë gjithashtu ka konfirmuar informacionin për agjencinë MIA.
Sipas raportimeve të ABC Madrid, spitalet La Paz dhe Getafe janë të gatshme të pranojnë këta shtatë pacientë të plagosur rëndë nga zjarri i ndodhur në Maqedoninë e Veriut javën e kaluar, pas një kërkese të autoriteteve maqedonase.
Nga këta pacientë, pesë do të dërgohen në Spitalin La Paz dhe dy në Spitalin Getafe, një qendër me reputacion ndërkombëtar për trajtimin e djegieve. Spitalet janë përgatitur për ardhjen e pacientëve dhe gjithçka është gati për trajtimin e tyre.
