Kombëtarja e Kosovës do të përballet me Islandën në play-off të Ligës së Kombeve mes promovimit në Ligën B apo qëndrimin në atë C. ‘Dardanët janë pritës të islandezëve për ndeshjen që luhet nesër (20 mars) në stadiumin “Fadil Vokrri”, nga ora 20:45.
Para ndeshjes, trajneri Franco Foda ka thënë në konferencë për media se Islanda është një kombëtare që luan lojë shumë taktike.
“Atmosfera është e mirë”, ka thënë fillimisht selektori i Kosovës para gazetarëve. “Islanda është kundërshtare që luan lojë taktike, por ne duhet të luajmë ndaj tyre të përqendruar nga fillimi. E dimë se Islanda ka edhe lojtarë të mirë individualë. Ne duhet t’i zbatojmë detyrat tona. Ne kemi dy ndeshje për t’i fituar. Të dyja janë të rëndësishme dhe duhet të fitojmë për të kaluar në Ligën B. Duhet të tregojmë në fushë shpirtin luftarak”,
Në ndeshjet e kaluara kemi treguar rritje dhe këtë e kemi treguar ndaj Rumanisë. Kemi treguar se mund të jemi dominues. Duhet të luajmë lojë intensive nga minuta e parë në ndeshjen ndaj Islandës”, ka theksuar më tej Foda.
Kosova sot zhvilloi përgatitjet e fundit për ndeshjen e parë të “play-off” të Ligës së Kombeve ndaj Islandës, me Amir Rrahmanin dhe Valon Berishën që janë në fazë rikuperimi.
Amir Rrahmani dhe Valon Berisha, në dy ditët e para kanë zhvilluar të veçuar, shkaku i shqetësimeve me lëndimet. Mbrojtësi i Napolit, Rrahmani, të martën ka zhvilluar një pjesë të stërvitjes me ekipin, ndërsa në pjesë si i veçuar.
Franco Foda ka thënë se të dy yjet e Kosovës janë në fazën e rikuperimit, duke shpresuar t’i ketë gati për lojë nesër (e enjte).
“Atmosfera është e mirë. Valon Berisha dhe Amir Rrahmani janë në fazën e rikuperimit dhe uroj t’i kemi të gjithë lojtarët në dispozicion”, deklaroi Foda.
Para stërvitjes së fundit, pjesa tjetër e ekipit është e mirë.