Dëbora ka zbardhur një pjesë të veriut të Shqipërisë, ku deri më tani nuk janë raportuar për bllokime rrugësh.
U mësua se drejtuesit e automjeteve që kalojnë në aksin rrugor të pikës turistike të Thethit kanë shprehur shqetësim për pastrimin e dobët të rrugës, e cila është mbuluar nga një shtresë borë me trashësi deri në 10 centimetra.
Ata theksojnë se rruga nuk është pastruar siç duhet, duke e bërë të vështirë kalimin, veçanërisht për automjetet që nuk janë të pajisura me zinxhirë.
Drejtuesit e automjeteve kanë nënvizuar se për të shmangur bllokimin në këtë aks rrugor, është e domosdoshme që të vendosen zinxhirë në goma. Pa këtë masë sigurie, ata paralajmërojnë se mund të ndodhin bllokime të shumta, duke shkaktuar vështirësi për kalimin e mjeteve.
