Maksi Zoto, baba i katër fëmijëve, dy prej të cilëve i ka të vëllait që i ka humbur jetën në aksident bashkë me gruan, është pushuar nga puna nga Agjencia Shtetërore e Kadastrës me vendim të drejtoreshës Lorena Goxhobelli.
Zoto i cili kishte 10 vite punë në këtë institucion, pretendohet se është hequr nga puna për arsye administrative. Edhe pse është lutur që të dërgohet në një pozicion tjeter brenda agjencisë, kjo kërkesë e tij nuk ështe marrë parasysh nga drejtoresha e ASHK. Kjo për shkak se ai është i vetmi që punon dhe mban familjen, pasi gruan dhe vajzën i ka të sëmura dhe prindërit i ka të moshuar.
Maksi është shprehur se në 10 vite pune nuk ka marrë asnjë vërejtje dhe ka qenë korrekt për paraqitjen e tij në vendin e punës. Gjithashtu shprehet se ka kontribuar në ruajtjen dhe sistemin e dokumentacionit kadastral si në formë shkresore dhe elektronike. Por e gjitha kjo siç duket nuk i bën përshtypje drejtoreshës, e cila vendimin e ka marrë bazuar në urdhrin e Kryeministrit.
