Një banesë në Shkodër, në lagjen “Ahmet Haxhija”, është përfshirë nga flakët. Dyshohet se shkak është bërë një shkëndijë elektrike.
Fatmirësisht nuk ka persona të lënduar, por vetëm dëme materiale.
“Rreth orës 12:15, në lagjen “Ahmet Haxhija”, dyshohet se për shkak të një shkëndije elektrike, ka rënë zjarr në banesën e shtetasit N. K. Si pasojë janë shkaktuar vetëm dëme materiale.”– njofton policia.
Grupi hetimor në vendngjarje po punon për përcaktimin e shkakut të rënies së zjarrit.
