Dueli mes Atletiko Madrid dhe Real Madrid është padyshim sfida ku është përqendruar vëmendja e të gjithëve sot në Ligën e Kampioneve.
Në “Metropolitano” do luhet një derbi shumë i ndezur mes dy skuadrave spanjolle, që niset nga rezultati 2-1 për “Los blancos” në ndeshjen e parë.
Një derbi të cilin Reali do ta përballojë me të gjithë yjet në fushë, pasi Ancelotti nuk ka hequr dorë nga asnjë prej “4 fantastikëve” që kanë si detyrë të sulmojnë portën e Atletikos, ndërsa Modriç do të jetë regjisori në mesfushë.
Ndërkohë pjesa tjetër mbetet e njëjtë me atë të ndeshjes së javës së kaluar në “Bernabeu”.
Nga ana tjetër sulmi i Atleticos do të udhëhiqet nga Alvarez dhe Griezman, i mbështetur nga mesfusha me katër; Gallager, Barrios, de Paul dhe Simeone.
Arsenali thuajse është i sigurt drejt kualifikimit pasi takimin e parë e ka fituar me shifrat 7-1 ndaj PSV-së. Gjithashtu dhe Aston Villa ka triumfuar në aktin e parë ndaj belgëve me shifrat 3-1.
