Ndeshjet e javës së 25-të të kampionatit gjerman, prodhuan surpriza.
Bayern Munich ka pësuar humbjen e parë që nga dhjetori në Bundesligë. Ekipi bavarez është mposhtur në shtëpi nga Bochum me rezultatin 3-2.
Guerreiro në dy raste në pjesën e parë që arriti t’i shndërrojë në gola, i dha Bayernit avantazh të dyfishtë, por një karton i kuq i Palhinhas prishi gjithçka. Medic në pjesën e parë ngushtoi fillimisht diferencat për miqtë.
Ndërsa në të dytën Sissoko dhe Bero përmbysën gjithçka për Bochum. Gjithsesi Bayerni vijon të kryesojë Bundesligën me 8 pikë përpara Leverksenit ndjekës.
“Aspirinat” nuk arritën dot të përfitojnë nga gabimi i bavarezëve, duke u mposhtur dhe vetë në shtëpi nga Ëerder Bremen me shifrat 2-0. Për miqtë realizuan me Schmid dhe Njinmah.
Gjithashtu dhe Borussia Dortmund është mposhtur nga Augsburg me shifrat 1-0, duke regjistruar tashmë humbjen e dhjetë në kampionat. Verdhezinjtë renditen në vendin e dhjetë të Bundesligës.
Ndërsa sfidat e tjera, Wolfsburg barazoi me St. Pauli me shifrat 1-1, ndërsa Holstein Kiel gjithashtu doli barazim me Stuttgart me shifrat 2-2.
