Në një makinë me 105 kilogramë kokainë në Aprilia, pasditen e së mërkurës vonë, policia italiane arrestoi një burrë me origjinë shqiptare, të cilit i gjetën mbi 100 kilogramë kokainë të fshehura në bagazhin e makinës së tij.
Në kuadër të intensifikimit të shërbimeve të kontrollit territorial të urdhëruar, pas plagosjes së dy karabinierëve mbrëmjen e së mërkurës dhe episodeve të tjera frikësuese të ndodhura së fundmi në Aprilia, hetuesit e skuadrës policore në Latina kanë vijuar kontrollin e një makine që po ecte me ritme të dyshimta.
Burri në bord, një shtetas shqiptar 42-vjeçar, pa precedentë penalë, ka shfaqur menjëherë një qëndrim nervoz gjatë hetimeve, rrethanë që ka shtuar dyshimet e hetuesve të cilët kanë vijuar më pas me kontrollin personal të subjektit në automjet. Hetimet koordinohen nga prokurorja në detyrë e Latinës, Luigia Spinelli.
Brenda makinës, në bagazh, u gjetën tre thasë me pako të shumta të mbështjellë me celefon, të cilat, siç u vërtetua nga testet e mëpasshme të kryera nga efektivët e Policisë Shkencore, përmbanin 105 kilogramë kokainë.
Kjo është një nga konfiskimet më të rëndësishme të drogës në krahinë gjatë viteve të fundit.
Lënda narkotike e gjetur u sekuestrua dhe i dyshuari u arrestua me akuzën e posedimit të lëndëve narkotike me qëllim tregtimin. Ai u dërgua në burg në dispozicion të organeve të drejtësisë.
