Rizarta si lidere e kësaj jave në shtëpinë e “Big Brother Vip Albania 4” produksioni i dha një avantazhd, që kishte të bënte me nominimet e kësaj jave.
Ajo duhet të zgjidhte tre prej banorëve për t’u dhënë imunitet, ndërsa pjesa tjetër e shtëpisë do të shkonte e gjitha në nominim. Rizarta zgjodhi veten e saj, Kellyn dhe Mikelën.
Por situata “u përmbys” në fund të spektaklit. Gjesti vrapoi për të thyer një “kuti emergjence”, atë që kishte të bënte pikërisht me imuniteti. Brenda zarfit lexohej se ai për t’i dhënë imunitet vetes, duhet të zgjidhte tre banorë të tjerë që t’i dërgonte në nominim.
Gjithsesi, ishte një situatë, ku ai nuk kishte mundësi zgjedhje, pasi ishin vetëm 3 banorë që nuk ishin në nominim, Rizarta, Kelly dhe Mikela, të cilët shkuan në nominim bashkë me pjesën tjetër të shtëpisë, ndërsa Gjesti fitoi imunitetin.
Këngëtari kërkoi që imunitetin t’ia jepte Shkëlzenit, por kjo gjë nuk u pranua nga ana e produksionit. Më pak i votuari nga banorët e shtëpisë, përveç Gjestit, do të eliminohet nga loja të shtunën.
