Një fluks i lartë automjetesh është krijuar në pikën kufitare të Kapshticës, pasi dhjetëra mjete po presin të kalojnë në Greqi.
Shumë emigrantë, të kthyer së fundmi në Shqipëri, po i drejtohen sërish shtetit grek, pas disa ditëve pushimi për festën e njohur si “E hëna e pastër”.
Për shkak të numrit të madh të automjeteve, drejtuesit e mjeteve kanë kaluar më shumë se një orë në pritje.
Gjithashtu pala shqiptare po punon me 5 sportele, ndërsa pala greke është më e ngadaltë, duke operuar vetëm me 3 sportele.
