Presidenti i Shteteve të Bashkuara të Amerikës, Donald Trump nëpërmjet rrjetit të tij social, “Truth”, ka bërë një paralajmërim të fortë për fjalimin që do të mbaj në Kongresin e së martës.
Trump, theksoi se e marta do të jetë një ditë e madhe dhe se ai do t’i thotë gjërat hapur dhe ashtu siç janë ndërsa në një tjetër komunikim po në rrjetin e tij social “Truth”, shtoi se ai është i vetmi president amerikan që nuk i dhuroi asnjë pjesë territori të Ukrainës, Rusisë së Putinit.
Ky paralajmërim i Trump vjen pas takimit shumë të tensionuar me Volodymyr Zelenskyn në “Zyrën Ovale”, teksa presidentit të Ukrainës iu bë e qartë në më shumë se një rast se duhet të jetë falenderues ndaj Amerikës, si dhe të pranojë kushtet për t’i dhënë fund luftës me Rusinë.
