Pasi liderët e vendeve perëndimore i dolën në krah Volodymyr Zelensky pas asaj që ndodhi në takimin me Donald Trump , presidentja e Komisionit Evropian, Ursula von der Leyen, deklaroi se është në anën e Ukrainës.
Ursula von der Leyen shkroi në postimin e saj: “Ji e fortë, ji e guximshme, ji i patrembur. Ti nuk je kurrë vetëm, i dashur President Zelensky. Ne do të vazhdojmë të punojmë me ju për një paqe të drejtë dhe të qëndrueshme”, ka shkruar ajo në X.
Kujtojmë se diskutimet e ashpra mes Presidenti Donald Trump dhe Presidentit të Ukrainës Volodymyr Zelenskiy u bënë shkak për anulimin e një konference të përbashkët për shtyp të dy udhëheqësve si dhe tërheqjen e projekt-marrëveshjeje mbi mineralet, mbi të cilët palët kishin rënë dakord pak ditë më parë.
Zelenskiy u largua nga Shtëpia e Bardhë pas debatit të nxehtë, ku Trump e akuzoi presidentin ukrainas për mungesë respekti ndaj Shteteve të Bashkuara, ndërsa ky i fundit sfidoi udhëheqësin amerikan për zbutje të qëndrimit ndaj Presidentit rus Putin.
