Ekipi i Vllaznisë ka vazhduar me stërvitjen duke u përgatitur kështu për sfidën e radhës në kampionat. Entuziazmi i skuadrës është i mirë pasi arritën në gjysmëfinalen e Kupës së Shqipërisë duke treguar kështu që janë pretendent për të fituar trofeun.
Gjithashtu dhe paraqitja në kampionat është mjaft e “brishtë” për shkodranët pasi duhet me deomos të marrin rezultat pozitiv duke shpresuar marrjen e kreut të Abissnet Superiore.
Sfida e radhës do jetë në transfertë në orën 14:00 me ekipin e Laçit. Për Thomas Brdaric do të jetë i disponueshëm dhe portjeri Kristi Qarri. Ky i fundit prej një kohe relativisht të gjatë ka munguar dhe tashmë ka rigjetur formën e tij për qenë në dispozicion të stafit teknik.
“Futbollistët e Vllaznisë i janë rikthyer sërish stërvitjes duke lënë pas entuziasmin e kualifikimit në Kupë dhe duke nisur të mendojnë menjëherë për sfidën e kampionatit ndaj Laçit. Ndërkohë pas një kohe relativisht të gjatë, sot ekipit i është bashkuar në stërvitje dhe portiere Kristi Qarri i cili po punon tashmë për të kapur formën e tij më të mirë dhe për të qenë sa më shpejt në dispozicion të stafit teknik”, shkruhet në postimin e shkodranëve.
View this post on Instagram
