Unioni Turistik Shqiptar i është drejtuar me një shkresë Inspektoriatit të Lartë të Drejtësisë, Prokurorit të Përgjithshëm dhe drejtorit të Përgjithshëm të Policisë së Shtetit, ku i kërkon të marrin masa konkrete, në lidhje me dhunimin e kryetarit të Degës së Unionit Turistik për Sarandën, Arben Çipa
Sipas këtij Unioni, ngjarja në fjalë “përbën një akt të paprecedentë të dhunimit të një biznesmeni të njohur të qytetit të Sarandes nga dy individë të cilët e kanë sulmuar barbarisht me pretendime se po ju shfrytëzon pronat, të cilat nuk figurojnë në pronësi të tyre, por ashtu siç ndodh rëndom në vendin tonë, ku në pronat e pëlqyera nga të fortët e katundit nuk lejohet të investojë askush tjetër përveç tyre”.
Institucioneve ligjzbatuese u kërkohet që të mos tolerojnë që raste të tilla të mos bëhen shkas për të frenuar investimet në sektorin e turizmit dhe të dëmtojnë imazhin e Shqipërisë turistike.
Unioni Turistik Shqiptar deklaron se ka besim se reagimi i institucioneve nuk do të jetë thjesht burokratik, por aktiv institucional dhe rigoroz!
Deklarte publike drejtuar:
Inspektoriatit te Larte te Drejtesise
Prokurorit te Pergjitheshem
Drejtorit te Pergjitheshem te Policise se Shtetit
Unioni Turistik Shqiptar,duke marre shkas nga ngjarja e fundit, e dhunimit te Kryetarit te Deges se Unionit Turistik per Saranden z. Arben Çipa, e cila ka tronditur mbare komunitetin e bisnesit te turizmit,po ju drejtojme kete apel publik.
Ndodhia ne fjale, e publikuar ne gjithe spektrin e mediave shqiptare dhe qe vijon te shtoje jehone ne diskutimet publike, perben nje akt te paprecedente te dhunimit te nje biznesmeni te njohur te qytetit te Sarandes nga dy individe te cilet e kane sulmuar barbarisht me pretendime se po ju shfrytezon pronat te cilat nuk figurojne ne pronesi te tyre, por ashtu sic ndodh rendom ne vendin tone, ku ne pronat e pelqyera nga te fortet e katundit nu lejohet te investonje askush tjeter pervec tyre.
Komuniteti yne eshte i tronditur dhe i alarmuar nga kjo ngjarje e shemtuar te cilat per fat te keq vazhdojne te perseriten pasi keto raste nuk marrin ndeshkimin e merituar nga autoritetet sic ndodhi edhe ne rastin konkret te vendimit te Gjykates se Faktit, Sarande e cila vendosi arrest shtepie per njerin nga autoret e arrestuar te ngjarjes,qe sipas raportimit te mediave personat ne fjale jane edhe me precedente juridik ne te kaluaren.
Permes kesaj dekkarate, ne u bejme apel organeve me te larta ligj-zbatuese te reagojne dhe te mos tolerojne qe raste te tilla te behen shkas per te frenuar investimet ne sektorin e turizmit dhe te demtojne imazhin e mire te Shqiperise turistike.
Me besimin se reagimi juaj nuk do te jete thjesht burokratik, por aktiv institucional dhe rigoroz!
Kryesia e Unionit Turistik Shqiptar
