Lautaro Martinez u ka dhënë siguri tifozëve të Interit duke thënë se “nuk duhet të dyshojnë kurrë” në përkushtimin e lojtarëve.
Zikaltrit po vinin pas një humbjeje të dhimbshme ndaj Juventusit në “Derby d’Italia” dhe patën vështirësi për të thyer mbrojtjen e fortë të Genoas në “San Siro”.
Ishte një moment fati që solli golin e vetëm të ndeshjes, kur goditja me kokë e Lautaro Martinezit nga një këndore e Hakan Calhanoglu u devijua nga kraharori i Patrizio Masinit, duke e çorientuar portierin Nicola Leali pranë shtyllës së parë.
“E dinim që po vinim nga një humbje që na lëndoi shumë. E kuptojmë zhgënjimin e tifozëve, por ne fokusohemi në punën tonë dhe flasim mes nesh. Gjëja më e rëndësishme është që ekipi të qëndrojë i bashkuar dhe të japë gjithçka për Interin,” tha Lautaro Martinez për “Sky Sport Italia”.
“Njerëzit nuk duhet të dyshojnë kurrë se ky grup do të japë gjithçka për Interin”, siguroi kapiteni.
