Mesfushori i Kombëtares shqiptare, Qazim Laçi, i shkoi shumë pranë dopietës në duelin ndaj Ceske Budejovices në kampionatin çek.
29-vjeçari zhbllokoi fillimisht sfidën në minutën e 64-t, ndërkohë që në minutën e 83-të, realizoi edhe golin e dytë personal.
Por goli më pas u anulua nga VAR-i për faull ndaj portierit kundërshtar, i cili për një çast humbi edhe ndjenjat në fushë, pas përplasjes me futbollistin Kuchta.
