feksioni kompleks në rrugët e frymëmarrjes që ka prekur Papa Françeskun nuk është kërcënues për jetën, tha ekipi i tij mjekësor të premten. Kreu i kishës katolike, i cili është 88-vjeç, ka kaluar tashmë një javë në spital për trajtimin e pneumonisë dhe një infeksioni në rrugët e frymëmarrjes.
Mjekët e Papa Françeskut thanë se ai do të qëndrojë në spitalin “Gemelli” të Romës të paktën deri në javën e ardhshme. Papa po merr herë pas here doza shtesë oksigjeni dhe trupi i tij po reagon në mënyrë pozitive ndaj terapive me ilaçe të forta, thanë ata.
Mjeku i spitalit “Gemelli”, Dr. Sergio Alfieri dhe mjeku personal i Papa Françeskut, Dr. Luigi Carbone, dhanë një përditësim të detajuar mbi gjendjen shënbdetësore të kerut të kishës katolike, duke thënë se ai vazhdon të ketë një frymë pozitive.
Papa Françesku u prek nga një infeksion sezonal që ka mbushur spitalet, por me një ndryshim, tha Dr. Alfieri.
“Njerëz të tjerë të moshës 88-vjeçare në përgjithësi qëndrojnë në shtëpi dhe shikojnë programe televizive nga një karrige lëkundëse. Por, Papa Françesku është gjithashtu ushtëheqës shpirtëror i të gjithë katolikëve në botë. Ai nuk e kursen veten, sepse është jashtëzakonisht bujar, kështu që u lodh”, tha Dr. Alfieri.
Dr. Carbone tha se Papa Françesku po reagonte mirë ndaj terapisë me ilaçe “të forta” pas diagnostikimit me pneumoni në fillim të kësaj jave. Mjekët thanë se nuk kishte asnjë provë për hyrje të mundshme të mikrobeve në gjakun e tij, një gjendje e septike që mund të shkaktojë bllokim të organeve dhe vdekje.
Papa Françesku u shtrua në spitalin “Gemelli” më 14 shkurt për shkak të përkeqësimit të bronkitit. Më vonë mjekët e diagnostikuan atë edhe me infeksion kompleks të rrugëve të frymëmarrjes dhe penemoni në të dyja mushkëritë./ VOA
