Ish-ministri dhe ish-deputeti i PD-së, Genc Pollo nuk do të kandidojë për zgjedhjet parlamentare të 11 Majit, teksa kjo u konfirmua edhe nga lista e primareve, ku emri i tij mungonte.
Për këtë gjë, Pollo duket se e ka ndarë mendjen që në zgjedhjet e vitit 2021. Në një intervistë ai thotë se ka një kohë të gjatë në politikën aktive dhe tani mund t‘i përkushtohet projekteve të tjera. Ai thotë se mbetet anëtar i PD në seksionin e lagjes.
Një pyetje personale. Meqë zgjedhjet parlamentare mbahen mbas tre muajsh a po pregatiteni të kandidoni për deputet?
Genc Pollo: “Jo, nuk kam ndërmend të kandidoj.”
Vërtet? Pse kështu?
Genc Pollo: “Po vërtet; kështu e kam ndarë mendjen që para katër vjetësh dhe ja kam thënë kujtdo që më ka pyetur. Jam zgjedhur në Kuvend për herë të parë në vitin e largët 1996; që atëhere deri në v2021 deputet bëhen 25 vjet. Nuk është e thënë të vazhdoj me të njëjtën gjë. Njeriu mund të bëj edhe gjëra të tjera interesante në jetë.”
Si përshembull?
Genc Pollo: “Projekte të ndryshme, më shumë lexime e shkrime; aktivitete me Paneuropën Shqipëri, një shoqatë që e kryesoj prej vitesh.”
Po me PD?
Genc Pollo: “Jam anëtar aktiv i seksionit të lagjes me znj. Rina kryetare; jam edhe në forume qëndrore por që nuk mblidhen dhe aq shpesh. Pastaj herë pas here dal në TV ku jap mendimet e mia për çështjet publike e që jo rrallë përputhen grosso modo me PD.”
Kthehemi tek politika. Ishit tek mitingu i opozitës në bulevard?
Genc Pollo: “Po, po isha. Edhe tek protesta e të premtes para bashkisë kam shkuar rregullisht.”
