New York-u paditi të enjten disa prodhues, distribues dhe shitës të mëdhenj e-cigaret, duke i akuzuar se kontribuan në shpërthimin e një epidemie të përdorimit të cigareve elektronike tek të rinjtë.
Shteti pretendon se këto kompani shisnin produkte me paketim që dukej si karikatura dhe shije tërheqëse për fëmijët, si Baja Slushie, Straëberry Cereal Donut Milk dhe OMG Bloë Pop, duke krijuar kështu një pamje tërheqëse për ata. Këto produkte, të cilat janë pjesë e një strategjie marketingu që synon konsumatorët e rinj, janë akuzuar se kanë shtyrë adoleshentët dhe fëmijët të fillojnë përdorimin e cigareve elektronike, çka ka shkaktuar rritjen e shqetësimeve për shëndetin publik.
Letitia James, prokurorja e shtetit, ka nisur një kërkesë për qindra milionë dollarë gjobë dhe dëmshpërblime nga 16 individë dhe kompani të përfshira, duke i akuzuar për neglizhencë të rëndë dhe për krijimin e një shqetësimi publik. Shteti argumenton se këto kompani janë përgjegjëse për shitjen e produkteve avulli me shije frutash dhe ëmbëlsirash, të cilat janë tërheqëse për fëmijët, duke u bërë shkak për rrezikshmëri të mundshme të shëndetit të tyre. Kjo padi është një hap i mëtejshëm në përpjekjet për të frenuar përhapjen e përdorimit të cigareve elektronike ndërmjet të rinjve dhe për të mbrojtur shëndetin publik.
