Një situatë e cila u bë virale në rrjet ndodhi në kohën shtesë të ndeshjes së kthimit të play-off-it të Champions League mes Benficës dhe Monacos.
Rezultati ishte 3-3, dhe duke marrë parasysh fitoren 0-1 të Benficës në ndeshjen e parë, vendasit ishin të kualifikuar. Megjithatë, një gol i Monaco-s do ta çonte takimin në shtesa, ndaj çdo episod në fushë kishte rëndësi të madhe.
Në ato momente tensioni, pas një ndërhyrjeje të dyshimtë në zonën e Monacos, gjyqtari Nyberg u thirr nga VAR për të rishikuar aksionin në monitor. Duke parë këtë, një tifoz i Benfica-s nisi të valëviste një bankënotë prej 50 eurosh pranë arbitrit, duke tentuar në mënyrë komike ta “bindte” atë të akordonte penalltinë.
Natyrisht, arbitri e injoroi plotësisht “ofertën”, por pamjet u kapën nga kamerat televizive dhe u bënë menjëherë virale në internet, duke shkaktuar shumë reagime dhe ironi në rrjetet sociale. Për ta mbyllur, gjyqtari suedez qëndroi i palëkundur, duke mos akorduar penalltinë pasi rishikoi pamjet në monitor.
Një episod argëtues, por që tregoi edhe një herë sa të pasionuar dhe të çmendur mund të jenë tifozët në momente të tilla vendimtare!
