Tjetër zhgënjim për futbollin italian. Pas Atalantës dhe Milanit, edhe Juventusi eliminohet në play off-in e Championsit, me Interit të vetmin ekip të Serisë A që kualifikohet në fazën e 1/16-ve.
‘Zonja e Vjetër’, u mposht 3-1 nga PSV Eindhoveni pas 120 minutave lojë, duke i dhënë fund rrugëtimit në Champions.
Bardhezinjtë duhej të menaxhonin fitoren 2-1 të ndeshjes së parë dhe në fraksionin e parë të lojës ia dolën, duke mos lejuar vendasit të rrezikonin portën e Di Gregorios. Por në të dytën, holandezët u futën më ngulmues në fushë dhe ia dolën të gjenin golin me Perishiç.
Goli i Ueah i dha përsëri shpresë italianëve, por vendasit shënuan me Saibari dhe detyruan që sfida të shkonte në shtesa. Aty, goli i shpejtë i Flamingo u dha vendasve avantazhin që ata e ruajtën me shumë kujdes dhe siguruan kalimin mes 16 ekipeve më të mira me golavarazhin e përgjithshëm 4-3 duke eliminuar skuadrën italiane.
