Presidenti i SHBA-së, Donald Trump ka sulmuar homologun ukrainas Volodymyr Zelensky, duke e quajtur atë një “diktator pa zgjedhje”.
Pak orë pas konferencës për shtyp ku sugjeroi zgjedhje të reja në Ukrainë, Trump tha se Zelensky kishte bërë një punë të tmerrshme në vend dhe se është “më mirë të lëvizë shpejt ose nuk do t’i mbetet një vend”.
Teksa e cilëson një “komedian modest të suksesshëm”, ai thotë se Zelensky bindi SHBA që të shpenzonte miliarda dollarë për një luftë që nuk duhet të niste dhe që nuk mund të fitohej. Trump thotë se tani SHBA nën drejtimin e tij “po negocion me sukses një fund të luftës me Rusinë”.
“Zelenskyy, i nxiti Shtetet e Bashkuara të Amerikës të shpenzonin 350 miliardë dollarë, për të shkuar në një luftë që nuk mund të fitohej, që nuk duhej të fillonte kurrë, por një luftë që ai, pa SHBA dhe “TRUMP”, nuk do të mund ta zgjidhte kurrë. Shtetet e Bashkuara kanë shpenzuar 200 miliardë dollarë më shumë se Europa, dhe paratë e Evropës janë të garantuara, ndërsa Shtetet e Bashkuara nuk do të marrin asgjë mbrapsht. Pse Joe Biden i përgjumur nuk kërkoi Barazimin, pasi kjo luftë është shumë më e rëndësishme për Evropën sesa për ne – Ne kemi një Oqean të madh e të bukur si ndarje. Për më tepër, Zelenskyy pranon se gjysma e parave që i dërguam atij “MUNGOJNË”.
Ai refuzon të ketë zgjedhje, është shumë i ulët në sondazhet në Ukrainë dhe e vetmja gjë në të cilën ishte i zoti ishte të luante Biden “si një fyell”. Një diktator pa zgjedhje, Zelenskyy më mirë të lëvizë shpejt ose nuk do t’i mbetet një vend. Ndërkohë, ne po negociojmë me sukses një fund të luftës me Rusinë, diçka që të gjithë pranojnë se vetëm “TRUMP” dhe administrata Trump mund ta bëjnë. Biden nuk u përpoq kurrë, Evropa ka dështuar të sjellë paqen dhe Zelenskyy ndoshta dëshiron të mbajë “trenin e ushqimit”. Unë e dua Ukrainën, por Zelenskyy ka bërë një punë të tmerrshme, vendi i tij është shkatërruar dhe MILIONA kanë vdekur pa qenë nevoja – Dhe kështu vazhdon…..”, shkroi Trump.
View this post on Instagram
