Rojet kufitare polake zbuluan më shumë se 100 kg kokainë në fundin e Detit Baltik, në zonën e Gjirit të Gdanskut në veri të Polonisë, gjatë operacioneve për mbrojtjen e infrastrukturës kritike.
Droga, që mund të arrijnë një vlerë prej deri në 15 milion dollarë, u gjetën gjatë një hetimi që çoi gjithashtu në arrestimin e shtatë personave.
Pas zbulimit të kokainës, autoritetet përcaktuan vendndodhjet e të dyshuarve, çka mundësoi gjetjen e sasisë tjetër të konsiderueshme të drogës. Sipas ligjit, të arrestuarit mund të përballen me deri në 20 vjet burg nëse shpallen fajtorë.
Incidenti ka ndodhur në një periudhë kur shtetet e Detit Baltik janë në gatishmëri të lartë për mbrojtjen e infrastrukturës kritike nën ujë. Kjo ka ardhur pas disa incidenteve të dyshimta, ku kjo lloj infrastrukture ka pësuar dëme, duke përfshirë kabllot dhe tubacionet e gazit.
NATO ka njoftuar se do të forcojë praninë e saj në rajon për të monitoruar më shumë aktivitetet dhe për të parandaluar mundësinë e dëmtimeve të tjera.
