Gjatë ditëve të fundit ishte aluduar se pas rikthimit të Donald Trump në pushtet, ishte prishur marrëdhënia mes Edi Ramës dhe Alex Sorosin, madje Sali Berisha deklaroi se kryeministri i kishte fshirë nga rrjetet sociale të gjitha fotot me djalin e multimiliarderit George Soros.
Por duket se tashmë nuk ka më dilema. Teksa ndodhen të dy në Konferencën e Sigurisë në Mynih, ata janë takuar sërish bashkë dhe këtë gjë e ka bërë me dije vetë Alex Soros duke publikuar një foto me Ramën në Instagram.
Në mesazhin e tij, Soros thekson se po e ripublikon foton për shkak të kërkesave te shumta që ka marrë. “Rikthim për shkak të kërkesave popullore” – shkruan Alex Soros teksa ka bere tag adresën e kryeministrit shqiptar.
Alex Soros njihet për miqësinë me Edi Ramën dhe kryebashkiakun Erion Veliaj, ku viziton shpesh dhe Tiranën për t’i takuar ata dhe këtë gjë e bën me dije vetë ai përmes fotove të postuara në rrjet. Shpesh herë ai e konsideron Ramën dhe si “vëlla”.
