Jose Luis Munuera Montero, arbitri i takimit të së shtunës mes Osasuna-s dhe Real-it, ka kaluar një fundjavë shumë tensionuese, pas gjithë polemikave të ndodhura për kartonin e kuq të dhënë nga Jude Bellingham.
Mundo Deportivo raporton se arbitri i njohur ka mbyllur hapësirën për komente në llogaritë e tij në rrjetet sociale, pasi ka marrë mbi 100 mijë komente që përfshinin ofendime të shumta dhe më e rënda, kërcënime me jetë ndaj tij ose familjes së tij.
Vetë protagonisti kryesor i situatës, Jude Bellingham, ka sqaruar se e gjitha ishte një keqkuptim dhe i ka kërkuar falje skuadrës së tij. Ditët në vijim pritet të merret vendimi zyrtar sesa ndeshje do të mungojë ylli anglez. Duke qenë se bëhet fjalë për ndëshkim direkt me të kuq me shumë gjasa pritet dënimi me dy ndeshje mungesë.
