Tirana do të ketë mungesën e 9 titullarëve dhe të një zyrtari në sfidën me Skënderbeun, ndërsa Bledi Shkëmbi duhet të zgjidhë rebusin e formacionit për sfidën me korçarët.
Gjyqtari Eldorjan Hamiti në minutën e 91-të përjashtoi me të kuq, Gjumsin për prekje dhe ofendim të gjyqtarit. Markun, Micin, Kozin për sherrin me lojtarët e Partizanit. Kësaj katërsheje i shtohet edhe Agim Ibraimi, edhe ky ka thënë fjalë më shumë ndaj gjyqtarit të ndeshjes.
Dy janë lojtarët që nuk do të luajnë, pasi kanë mbushur numrin katër të kartonëve të verdhë. Ata janë Akileu Ndreca dhe Florjan Përgjoni. Tre janë lojtarët e dëmtuar para ndeshjes me Skënderbeun. Ismajli, Soler dhe Haxhiu rreshtohen në infermeri dhe zor se do të jenë në fushën e lojës për këtë sfidë.
Formacioni i mundshëm i Tiranës:
4-3-3: Selmani; Vera, Dembele, Kola, Meta; Rafael, Smaçi, Abah; Bajrovic, Ernest, Jarmouni
