Trajneri i Partizanit, Aleksandar Veselinoviç, ka theksuar se humbja e sotme përballë Egnatias, ishte e merituar, për shkak të gabimeve që kishin bërë të kuqtë.
Ai tha se kishte bërë më të mirën me lojtarët në dispozicion, ndërsa insistonte se ekipi ka bërë shumë mirë, ndonëse tani është i shkëputur nga vendi i parë.
“Përgëzoj Egnatian për fitoren e merituar, sot ishin kundërshtari më i mirë. Mund të jem i kënaqur për pjesën e parë, mendoj se ishim kompakt. Kemi humbur mbase dy raste domethënëse, shtyllën me Bintsuka dhe rastin me Mehmetin.
Kemi bërë gabime në 5 minutat e para dhe shënuan. Nuk jemi çekuilibruar, kemi vazhduar të luajmë ndaj për pjesën e parë jam i kënaqur, në pjesën e dytë Egnatia ishte shumë më cilësore. Pa hyrë në detaje, goli i dytë është komplet faji ynë. Ato që kanë luajtur sot, ishin lojtarët më të mirë të Partizanit dhe e pranoj që munt të flasim vetëm për ata që kanë qenë në fushë. I falënderoj edhe një herë tifozët për përkrahjen që i bënë ekipit.
Nuk dua të flas me emra por ndërrimet ndodhin edhe në raport me atë që ndodh në fushë, apo gjendja e futbollistëve. Dhe duke marrë parasysh edhe të gjitha që kanë ndodhur me lojtarët gjatë procesit stërvitor. Prandaj mund të flasim dhe është proces i ndërlikuar në diskutim, por mendoj se Egnatia ishte më cilësore në pjesën e dytë.
Ajo që është më e rëndësishme për ne, Kote kthehet pas dy muajsh e gjysmë në fushë. Si rezultat i dëmtimit që ka marrë, po kthehet Atanaskoski dhe ka marrë minuta dhe jam i kënaqur që në fund kishte minutazh edhe për të riun Jata. Kemi kalendar të ngjeshur dhe mundohemi që nëpërmjet minutave në ndeshje, lojtarët të kapin formën.
Normalisht kemi 20 futbollistë dhe ata që kanë luajtur në ndeshjet e kaluara kanë qenë më të përshtatshëm për ato ndeshje.
A është koha për alarm? Tani është situata që duhet të analizojmë çështjen e gotës, nëse është gjysmë plot apo bosh. Janë situata normale në futboll. Dhe unë po jap një informacion që ndoshta nuk e dini që në 5 muaj e gjysmë që punoj këtu, kjo është humbja e dytë. Nuk jam i sigurt që në gjithë Europën, në gjithë ligat kompetitive që ka një ekip që ka vetëm 2 humbje në kaq kohë. Situata është kjo, ndeshje pas ndeshje, çdo ndeshje ka diskutimin e vet dhe vazhdojmë përpara”, tha ai.
