Kjo konferencë në krah të presidentit Donald Trump në Shtëpinë e Bardhë ishte e para për miliarderin Elon Musk në krye të një departamenti të formuar rishtazi që nuk ka funksione ekzekutive, por këshilluese.
Teksa interesi i mediave ishte i lartë për fushatën e ashpër për uljen e shpenzimeve qeveritare dhe shkurtimin e mijëra vendeve të punës në administratë, vëmendje mori edhe prania në konferencë e të birit 4-vjeçar të Musk-ut, X.
Is this for real? “you’re not the president you need to go away”pic.twitter.com/jo7Vwk7aUg
— Paige Ex GOP (@ItWasACoup) February 13, 2025
Prania e një të mituri ishte në vetvete diçka e rrallë për një konferencë për shtyp në zyrën e presidentit, por vëmendje tërhoqën disa veprime të tij, si ky moment, kur i afrohet, sheh me dyshim presidentin dhe i thotë të heshtë, ndërsa Trump përpiqet ta zmbrapsë vetëm me një shikim.
X-i vogël që edhe emrin e ka krejt të pazakontë, në një tjetër moment i thotë Trump-it se duhej të largohej pasi nuk ishte president. Ai i ndërpreu disa herë fjalën të atit, përmes disa veprimeve që shkaktuan të qeshura.
