Zyrtarët e Katarit kërcënojnë se do të tërheqin investimet në klubin francez të Paris Saint-Germain. Qatar Sports Investments bleu parisienët në vitin 2011 dhe Nasser Al-Khelaifi u emërua president i klubit.
Që nga ajo kohë, PSG ka shënuar periudhën më të suksesshme në historinë e tij, duke fituar 10 tituj të Ligue 1 në 12 sezonet e fundit.
Por sipas “Daily Mail”, Al-Khelaifi u akuzua në fillim të muajit për bashkëpunim në blerjen e votave”, “ndërhyrje në lirinë e votimit” dhe “përfshirje në abuzimin e pushtetit”.
Vetë numri 1 Ii klubit parisien i ka mohaur akuzat. Çështja në fjalë ka të bëjë me biznesmenin francez Arnaud Lagardère dhe një përpjekje të dyshuar për të ndikuar në një votim nga “Fondi Sovran i Katarit”, te aksioneri në grupin e tij.
Katari i është përgjigjur akuzave të ngritura kundër Al-Khelaifi duke kërcënuar se do të ndalojë investimet në Francë.
Përveç klubit parisien mund të preket edhe rrjeti i kanaleve sportive BeIn Sports. Sipas mediave franceze në Katar janë lodhur me të tillë abuzim.
