Dinamo ka vuajtur jo pak në tri ndeshjet e fundit mungesën e sulmuesit të tyre kryesor, Peter Itodo Mandelës, autor i 10 golave deri tani, bashkë me Zabërgjën.
Nigeriani ka qenë jashtë skuadre për një problem muskulor, që nuk e ka lejuar të stërvitet rregullisht me grupin. Mandela është në luftë me kohën për të qenë ose jo i gatshëm për trajnerin Ilir Daja në ndeshjen e së shtunës me Vllazninë.
Stafi blu shpreson ta ketë sulmuesin, por gjithçka do të mësohet pas seancës së fundit stërvitore para Vllaznisë. Për këtë ndeshje kthehet mbrojtësi Jorgo Meksi, që e ka shlyer dënimin me kartonë. Edhe Dejvi Bregu e ka kaluar gjendjen virale, që i mohoi Teutën dhe pritet të zbresë në fushë nga minuta e parë.
