Bizesmeni Gentian Sula ka mbërritur në Gjykatën e Posaçme ku dhe do të mbahet seanca për masën e sigurisë.
I pyetur nga gazetarët në hyrje të GJKKO-së nëse ka ndonjë koment, përgjigja e tij ishte: “Më vjen keq që lodheni që në mëngjes”.
Për verifikim mase është paraqitur gjithashtu edhe biznesmeni Fatmir Bektashi. Ndërsa do paraqiten edhe biznesmenët Meriman Palushi, Sokol Kryeziu dhe Shkëlqim Fusha, për të cilët është caktuar gjithashtu masa detyrim paraqitjeje.
Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha, akuzohen për veprën penale “Korrupsioni aktiv i funksionarëve të lartë shtetërorë ose të zgjedhurve vendorë”.
