Tirana nuk ia doli të siguronte fitoren në derbi, me bardheblutë që u barazun në limitet e kohës, ku më pas nisi edhe një sherr i madh mes lojtarëve bardheblu dhe të Partizanit. Nga ky sherr u ndëshkuan me kartonë të kuq 5 pjesëtarë të Tiranës.
Mici, Gjumsi, Kozi dhe Marku u ndëshkuan nga Hamiti, ndërsa karton të kuq mori edhe drejtori Agim Ibrahimi. Por këto nuk janë mungesat e vetme të bardhebluve për sfidën me Skënderbeun.
Të tjerë lotjarë nuk do të mund të japin kontributin e tyre. Kështu bëhet fjalë për Ndrecën dhe Përgjonin që gjithashtu janë të pezulluar, pai kanë plotësuar numrin 4 të kartonëve të verdhë. Ndërkohë për arsye dëmtimi mungojnë Ismajli, Soler dhe Haxhiu.
Mungesa shumë të rëndësishme për kryeqytetasit, me Bledi Shkëmbin që vë “duart” në kokë për duelin me Skënderbeun. Timonierit të bardhebluve tashmë iu duhet të rindërtojë nga fillimi një tjetër skuadër për të përballuar më pas korçarët, e ku sigurisht fitorja është mëse e detyrueshme përballë një rivali direkt për mbijetesën.
