Elon Musk dëshiron të marrë në pronësi OpenAI, kompaninë mëmë të ChatGPT. Një grup investitorësh i udhëhequr prej tij ofron 97.4 miliardë dollarë për ta blerë kompaninë e inteligjencës artificial.
Avokati i miliarderit, Marc Toberoff, konfirmoi se ai e paraqiti ofertën për të gjitha asetet në bordin e saj të hënën.
“Si bashkëthemelues i OpenAI dhe lideri më inovativ dhe i suksesshëm i industrisë së teknologjisë në histori, Musk është personi i duhur për të mbrojtur dhe rritur teknologjinë e OpenAI,” shtoi avokati në emër të Musk dhe investitorëve të tjerë.
“Jo faleminderit, ne do të blejmë twitter për 9.74 miliardë dollarë nëse dëshironi”, shkroi Altman.
Oferta është një pikë kthese në betejën e gjatë midis Musk, njeriut më të pasur në botë dhe dorës së djathtë të Presidentit të SHBA Donald Trump, dhe shefit ekzekutiv të Open AI Sam Altman.
Musk dhe Altman kanë qenë bashkëpunëtorë në 2015 por marrëdhënia është përkeqësuar që kur shefi i Tesla u larguan nga firma e tyre e përbashkët në 2018.
Oferta e paraqitur në 97.4 miliardë dollarë është shumë më e ulët se 157 miliardë dollarë që kompania u vlerësua në raundin e fundit të financimit në tetor të vitit të kaluar.
Bisedimet për një raund tjetër financimi thuhet se do ta vlerësojnë atë tani 300 miliardë dollarë.
Krijuesi i ChatGPT po bashkohet gjithashtu me një gjigant tjetër teknologjik amerikan, Oracle, së bashku me një firmë investimi japoneze dhe një fond sovran të pasurisë së Emirateve për të ndërtuar 500 miliardë dollarë infrastrukturë të inteligjencës artificiale në SHBA.
