Një i moshuar është arrestuar nga Policia e Tiranës, pasi dyshohet se ka ngacmuar seksualisht një vajzë të mitur.
Në pranga është vënë shtetasi N.U., 75 vjeç. Blutë e kryeqytetit bëjnë me dije se i moshuari dyshohet dhe se ka kërcënuar me armë sportive një të afërme të të miturës.
“Specialistët për Hetimin e Krimeve të Komisariatit të Policisë Nr. 3 arrestuan në flagrancë shtetasin N. U., 75 vjeç, pasi dyshohet se ka ngacmuar seksualisht një shtetase të mitur si dhe ka kanosur me armë sportive një të afërmen e saj.” – thuhet në njoftim.
Ndërkohë, Policia e Tiranës ka arrestuar dhe shtetasi B.H., 33 vjeç, pasi dyshohet se ka përndjekur një 34-vjeçare.
Materialet procedurale i kaluan Prokurorisë së Tiranës për veprime të mëtejshme.
