Kreu i partisë “Shqipëria Bëhet”, Adriatik Lapaj zhvilloi një takim me shqiptarët në Brescia të Italisë.
Gjatë fjalës me shqiptarët e diasporës, Lapaj tha se qeveria ka nën kontroll gjithçka dhe së bashku me bandat po mban “peng” pushtetin.
Gjithashtu Lapaj përgënjeshtroi lajmet e përhapura se partia e tij financohet nga Soros për të cilin tha se nuk e ka takuar ndonjëherë.
“Po përballem me bandat e këtyre, të gjithë jeni dëshmitarë. Këta kanë gjithçka, mediat, televizionet, portalet gjithçka e kontrollojnë me banda. Këta duhet të na marrin peng për një buxhet miliarda euro që e kanë trajtuar si “plaçkë” familjare. Këta hanë dreka darka me Sororin dhe më thonë mua Adriatiku i Sorosit. Brenda 6 muajve nëse marr qeverinë do të mbarojmë procesin e legalizimeve në Shqipëri, askush nuk do të ndërtojë pa leje. Brenda 16 muajve do të pajisim me certifikata pronësie të gjithë ata që kanë probleme me pronësisë. Nuk ndërton dot shtet kurrë nëse nuk con dot pronën tek i zoti”, tha Lapaj.
