Artistja e mirënjohur shqiptare Parashqevi Simaku ka dalë nga spitali psikiatrik në New York të Shteteve të Bashkuara të Amerikës, ku ishte e shtruar prej më shumë se 1 muaji.
Lajmin e ka bërë me dije biznesmeni Elton Ilirjani, i cili ka shpërndarë disa pamje të këngëtares në rrjetet sociale dhe shkruan “Ia dolëm” dhe “dashuria shëron” duke iu referuar mesa duket këtu edhe gjendjes së Simakut, e cila po trajtohej pas një krize që pësoi ndërsa ishte nën kujdesin e tij.
Në fotot e shpërndara, këngëtarja shqiptare e njohur e viteve ’80, shihet totalisht e transformuar.
Parashqevi Simaku pranoi që t’i nënshtrohej konsultave mjekësore tek psikiatri, pasi ishte e nevojshme për shëndetin mendor të saj, edhe pse është diçka shumë e trishtë për të.
Ajo është kthyer në një temë kryesore të mediave që në momentin që Elvira Tata e gjeti artisten shqiptare në stacionin e metrosë në New York, ku qëndronte prej kohësh.
