Mafia dhe trafikimi i lëndëve narkotike kanë qenë gjithmonë sfidë për policinë dhe drejtësinë shqiptare.
Gazetarja Anduena Llabani, e ftuar në ‘360 gradë’ u shpreh se grupet e trafikimit të lëndëve narkotike përbëhen nga 20- 25 shqiptarë të cilët kanë lidhje familjare dhe mund të kalojnë 7- 10 vite si rezident në këto vende.
“Në datën 5 nëntor, Dumani shkoi në Brazil për riorganizimin dhe goditjen e grupeve të vendosura në Brazil. Grupet kanë lidhje familjare, burimet njerëzore janë shumë të rëndësishme. Ngrenë strukturën e gatshme për të vazhduar trafikimin, veçori e shqiptarëve në këto vende janë 20-25 persona dhe veçori tjetër është që kanë një jetëgjatësi, kalojnë 7-10 vite janë rezident. Njerëz me shumë pushtet dhe para, korruptojnë institucione shtetërore dhe kanë liri veprimi. Grupet kriminale në bashkëpunim me ato europiane arrijnë të korruptojnë deri në nivele të larta trafikojnë lëndët me cilësi më të lartë si heroina dhe kokaina. Vizita e Dumanit bashkë me 4 prokurorët janë rezultat i përgjimeve Encro Chat është që këto grupe punojnë dhe për politikanë shqiptarë.”
Avokatia Enida Bozheku bëri publik rezultatin e një raporti të janar 2025 në të cilin theksohej se shqiptarët kanë ndihmuar në formimin e 821 karteleve të drogës në botë.
”Çunat shqiptar për shkak të shumë kushteve, tradhëtive brenda llojit, shumë janë futur dhe kanë dalë nga burgu ku ka qenë një bazë e mirë për të mësuar me kontakte nga ku kanë lidhur aleancat e duhura. Më pas mënyra sesi është zhvilluar është se vetë shqiptarët kanë një shpirt sipërmarrës dhe janë të besës dhe i ndihmon në çdo lloj aktiviteti.
Shqiptarët janë ata që kanë ndihmuar në formimin e 821 karteleve në të gjithë botën ku në të gjithë këto grupime ka shqiptarë, janë mediatorë shumë të mirë dhe kjo i bën ata të jenë të besueshëm. I vetmi konflikt që flitet për shkak të një çështje mentaliteti për grupet ukrainase, bjelloruse dhe rusë. Respektojnë njëri- tjetrin dhe nuk futen në pjesë.”
