“Nuk jam këtu sepse dëshironin të më shisnin ose sepse më shtynë të vij, unë isha ai që iu thashë drejtuesve që doja të shkoja në Marsejë.” Këto janë fjalët e Ismael Bennacer, që shpjegojnë vendimin për t’u transferuar te Olympique Marseille, ndërsa Milani më pas ka vendosur të rinovojë mesfushën duke u orientuar tek Warren Bondo i Monza-s.
Realisht, Milani kishte në plan ta shiste Bennacer-in, por verën e kaluar. Megjithatë kur erdhi Fonseca tekniku portugez vendosi ta mbante në skuadër. Nëse do të kishte ardhur një ofertë e lartë, më shumë se 25 milionë euro, ai do të ishte sakrifikuar gjithsesi. Po ashtu, sepse pas disa muajsh, vlerësimi i tij ka rënë më tej.
Nga ana tjetër, për të kuptuar një rënie kaq të shpejtë, mjafton të shohim paraqitjet. Gjashtë ndeshje këtë sezon në Serinë A, një në Ligën e Kampionëve dhe një në Kupën e Italisë.
431 minuta që janë të ngjashme me ato të sezonit të kaluar, kur një dëmtim i gjurit e mbajti jashtë për një periudhë të gjatë, deri në fund të janarit, kur ai u rikthye dhe mbajti edhe shiritin e kapitenit për disa ndeshje.
Pra, parabola e Bennacer-it ishte në rënie dhe ndoshta ai kishte nevojë të ishte një titullar i rregullt, gjë që mund ta ketë te Olympique Marseille.
