Një ngjarje tragjike është shënuar paraditen e kësaj të marte në Elbasan.
Burime bëjnë me dije se një grua i ka dhënë fund jetës, duke u hedhur nga kati i pestë i një pallati. Mësohet se viktima është shtetasja K. Z., rreth 28 vjeçe, teksa ngjarja ka në lagjen “Visarion Xhuvani”.
Mësohet se viktima ishte nënë e një fëmije 2 vjeç. Ajo punonte si infermiere pranë repartit të neurologjisë në spitalin rajonal të Elbasanit.
Burime bëjnë me dije se e ndjera banonte me qira ne katin e dytë të pallatit dhe është ngjitur në katin e pestë, ku pasi ka lënë xhupin dhe telefonin, është hedhur nga lartësia, duke gjetur vdekjen në vend.
Dyshohet se reja e ka ndërmarrë aktin ekstrem si pasojë e depresionit. Policia ndodhet në vendin e ngjarjes dhe po vijon punën për zbardhjen e rrethanave të rastit.
