Ish-diplomati Agim Nesho, ka folur për ndërprerjen e mundshme të ndihmave nga USAID edhe në vendin tonë, pas “luftës” që presidenti amerikan Donald Trump i ka shpallur agjencisë.
Nesho tha se shumë fonde të USAID në Shqipëri janë keqpërdorur. Ai u shpreh se fondet lëvizin sipas dëshirave politike të administratorëve lokalë që janë brenda një agjende të caktuar.
“Shumë fonde të USAID në Shqipëri janë keqpërdorur. Gjithë ndihma ka përkrahur një autokrat që të jetë në pushtet, nuk ka ndihmuar në luftimin e korrupsionit. Fondet lëvizin sipas dëshirave politike të administratorëve lokalë që janë brenda një agjende të caktuar.”– tha Nesho në emisionin Open në News 24.
