Mustafë Abdullahu është zyrtarisht i huazuar te Karlsruhe në Gjermani. Tirana ka kompletuar kështu transferimin e portierit në Bundesligën 2.
Në fund të sezonit është dhe mundësia për të blerë kartonin e Abdullahut nga Tirana. Ndërkohë është vendosur shifra e 400 mijë eurove si detyrim, nëse klubi i Karlsruhe ngjiten në elitën e futbollit gjerman. Kontrata e re do të vlente deri në vitin 2029.
KF Tirana njofton transferimin në formë huazimi me te drejtë blerje të portierit Mustafë Abdullahu drejt Karlsruher SC. KF Tirana falenderon klubin Gjerman për bashkëpunimin dhe transferimin e lehtë të lojtarit pranë tyre.Te lumtur që vazhdojmë të bashkëpunojmë me klubet më në zë të Europës. –shkruan klubi i Tiranës në rrjetet sociale.
Portieri 20-vjeçar u afrua te Tirana nga Besa në shtatorin e vitit 2023. Pas një sezoni me bardheblutë, u vendos huazimi te Malisheva.
Hapësirat nuk ishin të shumta, për këtë u vendos një tjetër huazim. Kujtojmë se Abdullahu është gjithashtu pjesë e përfaqësueses U-21 të Kosovës.
